【Viu】陳安立、黃奕晨、陳子豐、Lyman香胤宅、Thomas溫湯馬仕、ROVER今晚為《8點直樂 VIURIETY》做主持，是夜以「Men's Challenge Night」做主題，請嚟亨仔嘅健身教練Ocean梁愷傑做嘉賓，未婚妻李綺雯當然愛相隨啦！期間Ocean教練挑戰「你同我扯」時以一敵四拉贏ROVER四子，Kim自認係落敗嘅「老鼠屎」，全因為唔小心搞咗希晉後面，睇嚟有排都搣唔甩「金伯」之名喇！至於勝出嘅亨仔就沾沾話係預期之內，笑言好彩智力上僅僅贏到希晉；Jason就喺「大髀拼」中以6秒再做「一哥」，不過係「倒數一哥」，笑爆全場！
日前正式大學畢業嘅亨仔，多謝3位兄弟「頂」咗兩年，預告將會全情投入做歌手，但最想係同ROVER兄弟齊齊組隊出戰HYROX咁話！
至於Lyman就沾沾廣東話勁過Thomas，又預告為咗新劇要練出40吋胸肌！Thomas就爆笑演繹廣東話急口令，又喺子豐嘅教導下暢談「旁證」同「蚌精」嘅分別！
此外，將於23號結婚嘅Ocean同李綺雯大方分享籌備進度，仲話徒弟亨仔除咗做兄弟團外，仲要唱歌，行唔行得成禮全靠亨仔喇！想知就睇足本訪問啦！
