【Viu】樂隊ROVER今日現身維港旁舉行嘅「第四屆香港流行文化節音樂會」，一開始就唱新歌《旗跡》撻着台下Radar個hyper mode，識玩呀！喺直落連唱多6首歌後，希晉再join埋另一隊band晚安莉莉crossover，cover Lolly Talk嘅《三分甜》做rock版《三分型》，超high呀！遲吓有冇機會兩隊band合作新歌？
ROVER四子超enjoy呢次維港演出，話前幾日仲落緊雨，好彩天公造美送咗個超好天氣畀佢哋！問到演出期間最難忘嘅moment係咩嗰陣，隊長Kim笑言見到身後有船經過，即被3位兄弟「圍剿」反問唔係要望fans？真係畀佢哋笑死！
晒結實麒麟臂嘅亨仔則指經過今次演出之後，可以好firm咁話絕對勝任《ROVER 2nd Anniversary Live》2.0，咁係咪會落力向公司爭取？咁Jason就可以順便爭取埋個圓形LED Wall啦！
四子老友鬼鬼，自爆成日互改新朵，例如亨仔就喺今日被改做「狗哥」，至於Kim、希晉就分別叫「堅叔」、「喪晉」，背後藏咩爆笑原因？係咪想問點解冇數到Jason？因為佢維持原名「阿強」，surprise！另外，ROVER不忘預告嚟緊嘅新歌風格，霸氣揚言有五月天、八三夭嘅感覺，最緊要係會紅呀！咁就真係洗耳恭聽啦！依家就先睇足本訪問！
