【Viu】Angela袁澧林、吳家忻、張蔓莎、伍詠詩、CY陳宗澤等今日出席《電競女孩》首映，由Brian李凱賢擔任映後分享會主持。Brian大讚《電競女孩》夠Dope，可以著「一條褲」睇，又自爆係Angela影迷，相當欣賞對方喺《窄路微塵》嘅演出。Brian強調自己嘅讚美零水份，仲分享埋睇爛片首映時嘅趣事，不過最搞笑嘅莫過於佢對《夜王》嘅精闢評論，講到同Renci嘅親密戲被刪仲好有火添，真係SLDPK呀！
至於「Gamer Girls」就齊齊嗌口號壯聲威，身為「女校男生」嘅CY畀女圍時尷尬到滴晒汗，仲話好Hot，不過係因為著咗冷衫咁話喎！而四位女神就分享返4年前拍攝時塊面充滿骨膠原，令人懷念，依家就多咗女人味囉！講到Angela身為盧廣仲「鐵粉」，有冇葡萄阿正得到偶像Phone In賀壽呢？佢就已經諗好大計「獨佔」盧廣仲喇，想知就睇足本訪問啦！
