【Viu】「95Line」Anson Lo、Jeremy今日「拍拖更」出活動，喺3號波、氣溫接近33度之下以星級萌友身份，現身西九同過千名神徒、Unicorn見面，現場氣氛勁高漲！為回饋鏡粉們喺大熱天時仍然撐場嘅呢份愛，Anson Lo、Jeremy無論喺台上、台下，都賣力向大家揮手、派心，福利滿滿！呢對bestie更爆私下最鍾意做咩，大家又估唔估到呢？
嚟到活動嘅下半場，95Line換上另一個靚look再出嚟見大家，二子仲各抽4名幸運兒上台玩遊戲添！Anson Lo、Jeremy亦趁空檔期間喪同角色互動，cute到爆！最後就係分批再同神徒、Unicorn影大合照啦！今日天氣炎熱，大家見字飲水啦！
