【Viu】MIRROR成員Anson Lo、Jeremy同前韓國女團Wonder Girls成員宣美今晚喺亞博合作開騷，「95Line」撈米以型爆黑西裝Look獻唱《MONEY》打頭陣，教主僅穿短版西裝外套晒靚背；較保守嘅Remy就著咗裇衫打底，相映成趣！AL又話今次係自己同Jeremy入行以嚟最特別嘅一次表演，仲High爆問大家今晚想聽咩歌，沾沾話連韓文歌都識唱，隨即同Remy「神同步」唱出韓文版生日歌，喂呀，咁搞Gag得唔得㗎？
其後Remy換上白色裇衫化身Sexy九尾狐送上慢版《九》，Charm到裂呀！教主就繼續「賣大包」，換上火紅緊身戰衣騷「麒麟臂」，Hot到流鼻血呀！
