【Viu】Anson Lo同Jeremy噚晚孖住前韓國女團Wonder Girls成員宣美喺亞博舉行音樂會，Anson Lo 、Jeremy打頭陣出場唱《Money》，宣美就以性感黑色短裙出場，三人一齊跳唱《Tail》，宣美仲同Jeremy跳辣身舞，Hot爆！
Anson Lo 問宣美同佢哋合作有咩感覺？宣美對可以同台表示開心，事前仲「做功課」聽歌，並話： 「So sweet, humble！」 佢仲話自己喺香港冇太多朋友，認識佢哋係好開心。宣美仲有同粉絲玩互動和唱，佢好興奮咁用廣東話讚粉絲：「你哋好勁啊！」
去到演唱會後段，Anson Lo、Jeremy 落台去觀眾席同粉絲握手，粉絲都企晒起身一齊跳唱！而壓軸就係三人合唱宣美嘅《Gashina》，Anson Lo 喺台上教宣美廣東話講I love you我愛你，宣美就禮尚往來教Anson Lo韓文 :「令舞台炸裂！」Jeremy第一次同宣美見面時，就覺得對方好善良，又話對方一直係佢嘅偶像！
