【Viu】亞洲天王周董周杰倫一連3場香港站巡唱，噚晚喺啟德主場館開鑼！ 周董喺台上唱出《說好不哭》、《簡單愛》 等歌曲 。佢用廣東話問粉絲：「係唔係好掛住我啊？我都係好掛住你哋 」，之後就話想知自己嘅鐵粉、老粉喺邊， 之後就唱出自己嘅舊歌《安靜》，好有feel啊！
周董又邊彈結他邊唱《稻香》，仲有落台同粉絲互動、握手，最後以《七里香》為第一晚演唱會劃上完美句號，氣氛相當好！
周董喺坐私人飛機嚟香港時，就po出咗同日本男神山下智久同行嘅相，並寫上「香港 我們來了」，令一眾粉絲相當興奮！有傳山P今晚就會做周董第2場啟德騷嘅嘉賓，成真嘅話畫面實好夢幻啫！
*片段由讀者提供
