【Viu】周杰倫原定在2019年喺香港迪士尼舉行《周杰倫嘉年華世界巡迴演唱會》，慶祝入行20周年，但因為疫情關係多次延期。經過3年半，香港樂迷終於得到喇，周董7場演唱會噚晚喺中環海濱活動空間正式開鑼！場內2萬名粉絲座無虛席，周董一連為大家帶嚟40幾首歌，除咗帶領歌迷重溫過去多首經典歌曲，佢仲獻唱寫俾陳小春嘅廣東歌《獻世》，以及《紅顏如霜》、《倒影》、《粉色海洋》等新歌。周董更大騷舞技，喺表演《鬥牛》一曲時，將籃球結合舞蹈，令全場歌迷眼睛為之一亮！
周董為滿足觀眾成晚喺舞台兩邊跑，仲開放歌迷點歌互動，有歌迷高舉寫住「杰倫最屌」，拎到咪高峰激讚周董話：「你是最屌的！永遠第一名﹗」周董即謙虛回應：「其實昨天來探班的（張學友）才是第一名。」歌名又說：「你是音樂上的皇帝！」周董就幽默笑道：「我來想想，我有沒有謙虛一點的歌詞....」
由於演唱會一票難求，噚晚核心以外海濱碼頭，公園草地、場外欄，海上仲停咗四，五十艘遊艇，擠滿過萬未能入場嘅歌迷，更有女歌迷激動想爬牆進入會場，險象橫生。大會發言人謝嘉豪表示噚晚場外有人想攀爬進場，係一件十分危險嘅事，「大會及周董都不希望會有任何意外發生，希望場外歌迷自重，切勿於場外進行任何危險行為。」
