【Viu】COLLAR為宣傳新歌《暴走女團》發起咗個暴走「旅」團，今日快閃4站同fans「落單」之餘，更表演新歌添！跳到後半part嗰陣，Winka走位不慎跌倒，見佢9秒9彈起身跟上step繼續演出，respect！莫非佢係想向喺拍MV期間跌親嘅Ivy So致敬？
7位「伙記」受訪表示對今次快閃緊張咗好耐，因為冇得預先rehearsal，就快入台演音樂劇嘅Winka坦言同時要做宣傳都有啲攰，練成一秒撻落地下就瞓着絕技！
Ivy So「找數」post同海龜暢泳靚片，向姊妹們show off勁沾沾！Marf、芯駖、Gao輪住post三點式火辣相，之後派福利嘅係邊位成員？Marf大爆全部人喺團綜都有着泳衣？團綜再劇透係Ivy So 4票當選成最佳導遊，但被Candy反對，點解嘅？
講到Locker喺最新一集《試玩毛》對鏡頭講「Baby」，但字幕就配咗「Marf」，係另類放閃？對Locker喺game入面犧牲自己、英雄救美，Marf係咪覺得男朋友好man？
最近又多咗兩隊女團，其中SMORZ更上咗韓國嘅打歌節目，COLLAR指有睇片，覺得韓國運鏡好勁，希望香港有多啲打歌節目！COLLAR大方話多啲女團可以互相學習，樂壇百花齊放！另外，佢哋嚟緊仲會去邊間學校唱school tour？想知更多就即刻睇足本訪問啦！
