【Viu】COLLAR七位靚女今日冒寒以黑色誘惑性感現身《Chill星級Gala》紅地氈儀式，心口入晒風呀陰功！佢哋竟然喪嗌熱，阿Day又狂晒泰文，咦...全部都同食有關嘅，佢仲話買咗香港美食馬仔同蛋卷送俾泰女團4EVE。噚日Candy 22歲生日，佢自爆自己買蛋糕準備聽晚慶祝，乜咁可憐咩！
P1X3L就派出Phoebus真空做性感擔當，Marco同George即爆兄弟開騷件衫仲Sexy，怕唔怕Fans手多多先？Phoebus就大膽話唔介意被摸喎！而Marco就認下半身吸引，點解嘅？
ROVER表示第一次孖師兄AK 、Jer、Lokman、Tiger同台，好緊張，又話會盡力同一眾泰星集郵。想知眾人今日有幾Hot，入嚟睇訪問片啦！
