【Viu】COLLAR今日現身商場為最新團綜《COLLAR以為去度假》造勢，7位公主率先劇透節目爆點畀大家聽，當中最爆嘅莫過於Winka話一齊沖涼，咁咪玉帛相見？佢哋仲話幾乎全隊嗌大交，到底發生過甚麼事？
今次團綜名為「以為去度假」，究竟有邊個嘅危機意識最低、真係以為去度假？有邊個係大喊包？而當笑問邊個有「公主癌」嗰陣，點知7女個個舉手爭住認，會唔會太爆笑？Marf驚喜透露今次出trip影咗好多相，睇吓遲啲有冇機會搞give away送畀fans！
講到Marf、Day主演嘅《哪一天我們會紅》啱啱播完，被網民喻為今年嘅神劇，望推上外國嘅串流平台，佢哋又點睇？大結局當晚全劇組去慶功，Marf話見到「無景深」嘅蛋糕一秒爆喊超感動，而日前輪到「劍神」張家朗下戰書話同「Anna」Day比試激光劍，Anna敢唔敢接招先？
啱啱同媽咪去完個短trip叉電嘅Ivy So，post咗張落咗filter、極矇嘅三點式，即刻引嚟一班「蘇蝦」求高清放大版，Ivy So又會唔會順應蘇蝦意思呢？講到有網民指Ivy So戴「洪帽」去撐緋聞男友洪嘉豪，Ivy So澄清冇啲咁嘅事，實情頂帽係193送，而張圖係P出嚟嘅，又叫大家唔好再P圖啦！
另外，剛完成舞台劇《你好，打劫！Reunion》嘅芯駖有咩感受？被麥沛東掌摑咗20、30巴，有瘦面作用？莫非係還原靚靚拳嚟？Winka主演嘅舞台劇《三·八》亦快將公演，依家準備成點？即刻去睇足本訪問啦！
