【Viu】MIRROR「FING小組」Lokman、AK、Alton同Frankie今日以巴士巡遊宣傳將於6月28號喺亞博舉行嘅《Manifest | W.T.F. Live 2025》，四子除咗感受到天氣酷熱外，仲感受到Fans嘅熱情，笑言如果成功加場，下次就坐遊艇謝票，咦？咁咪有泳褲睇？聽吓AK點講先啦！
至於演唱會準備進度，Lokman梗係根據「鏡之慣例」表示「如火如荼」啦，雖然Alton講明冇「肌」會，但Frankie最近都密密跑步練氣㗎，AK同Alton仲即席自薦扮女聲同Frankie合唱《麻甩媽咪》主題曲，呢啲咪好兄弟囉！
此外，Lokman同Alton親自回應泰國餐廳光榮結業嘅因由；Lokman同AK仲神回「三年之約」呢個世紀謎團，想知就睇足本訪問啦！
