【Viu】謝霆鋒啟德騷《Evolution Nic Live進化演唱會》噚晚第二場，全晚亮點要數到女友王菲驚喜現身包廂支持，當霆鋒唱《玉蝴蝶》時，王菲被粉絲捕捉到佢跟住節奏搖擺哼唱，呢首歌據講係佢兩個定情歌，而王菲仲喺男友唱到快歌環節與同觀眾一齊起身熱舞，全程笑容滿面！
台下依然星光熠熠，到場睇騷嘅有：陳奕迅夫婦與女兒、張家輝、蘇永康、劉浩龍、周慧敏、李克勤及太太盧淑儀、魏浚笙、炎明熹、彭秀慧、胡子彤，劉雅瑟、楊受成博士、鄭希怡與囡囡、、周秀娜、伍允龍等等！大家跟住唱之外，又企起身跳舞、揮手燈支持！
霆鋒喺呢一晚火力全開，一出場就炸裂全場，4萬多位觀眾由第一秒起身嘶吼，形成「人浪聲海」！當唱到最後一首歌時，霆鋒感性剖白：「多謝所有來自世界各地嘅樂迷們，同時想呼籲給全世界各地的表演者聽到，你哋快啲來啟德開你哋嘅演唱會啦！呢度真係有無限個可能性！」
