【Viu】ViuTV原創劇《麻甩媽咪》已經播咗幾集，大家係咪畀黃德斌飾演嘅的士司機「口水發」，同埋Jennifer余香凝飾演嘅靚媽程程，以及兩位「合體」嘅「程程發」笑爆嘴呢？除咗畀麻甩的士佬上身夠Gimmick外，兩位喺造型同演繹上都落咗唔少苦功㗎，Jennifer仲主動攬「老公」Frankie破冰；德斌就大讚首次合作嘅Frankie、Tiger同Gao精叻，仲即席向虎仔邀歌，嘩，好期待喎！
雖然係輕喜劇，但《麻甩媽咪》其實係以生死做主題，想知劇本令兩位對生死有咩感悟？現實中又想同邊位交換肉身？睇訪問就知啦！
