【Viu】由葉童、黃德斌、楊永德領銜主演嘅舞台劇《唔講得》即將公演，今日佢哋現身綵排室即場上演咗一小段戲！呢次係葉童同德斌嘅首次合作，佢大讚德斌又man又靚仔，仲有啲怕醜添！
葉童又搞笑指佢哋有個組合名叫「Ci斌（私奔）」，取葉童英文名Cecilia加斌斌，係有啲創意㗎喎！二人喺劇中飾演一對醫生夫婦，德斌劇透火花十足：「拍！拍！拍！」聽到聲都即刻有畫面呀！提起葉童之前笑話想篤吓德斌啲腹肌，唔知佢有冇成事呢？對佢哋嚟講，今次舞台劇最大挑戰又係咩？
舞台劇開賣後反應熱烈，宣布加場總共演5場，葉童同德斌都話好開心！但有傳網上有平台賣飛連加入後台同演員影相，葉童否認指：「我哋唔係咁市儈，唔一定買飛先影到相！」另外，「許仙」葉童早前同「白娘子」趙雅芝合體，有唔少fans都讚好，呢對CP之後有冇機會再合作？即刻去睇足本訪問啦！
