【Viu】林峯呢日化身「林爵士」着住套「踢死兔」出席活動，型到爆炸呀！喺食辣嘅方面，佢就沾沾話勁過老婆張馨月，但煮嘢食就唔夠老婆咁有天份，試過落糖變咗落鹽，不過阿峯話都有道「撚手小菜」嘅，係咪好想知係咩呢？
電影《九龍城寨之圍城》尚餘幾百萬票房就成功登頂，阿峯話有同古天樂斟過想搞啲活動，為票房最後一谷！例如諗緊搞巴士巡遊，咁會唔會叫「王九」伍允龍邊巡邊唱《Monica》？阿峯即刻brainstorm到另一個表演方式，唔知王九又制唔制呢？
話咁快又到暑假，阿峯冧話接咗囡囡「格格」嚟香港，一嚟私心可以陪多啲自己，二嚟就係想囡囡接觸唔同語言，想趁格格仲細、學語言最快嘅時期學識講廣東話！阿峯又搞笑話其實最work嘅方法係睇佢啲劇，不過又唔想畀小朋友接觸咁多電子產品，真係好掙扎呀！
