【Viu】恭喜方力申出pool！小方今日孖陳曉東、劍擊港隊大師兄張小倫、神奇小子傅家俊等出席桌球慈善表演賽活動，小方心情勁靚認愛，女友Maple Yip從事語言教育。小方話已經見晒雙方家長，女友爸爸仲問小方好多問題添！而小方又不停大讚女友，話佢去自己屋企食飯時幫媽咪洗碗。最搞笑係小方話唔介意女友高過佢，「佢都高我唔少，不過佢冇同我一齊着過高踭鞋。」巧貼心喎！但小方直認女友係舊年邪教教主性侵事件受害人，「同佢一齊第一日佢已經講呢件事俾我知！非常欣賞佢嘅勇敢！」小方仲話會陪女友返韓國出庭添！
再講到鄭中基前助手阿舜，涉嫌協助蔡天鳳前夫潛逃而被捕，小方話一入行就識對方，但冇見面好耐，唔清楚對方私下嘅生活同行政狀況。而陳曉東都話好心噏！希望唔好再發生呢啲核突事件，但提到阿舜，佢就話對呢個人冇乜印象。
