【A&M Diary】距離暑假仲有一段日子，但天氣已經好熱喇！消暑解渴，少不了珍珠奶茶。與其一路行一路飲，不如搵間台式餐廳坐坐，順便食個便當做午餐啦！位於大角咀嘅老厝邊，餐廳設計充滿台式風情，勁好fee，台灣真係令人好消暑呀！
香香酥炸雞排便當
雞排大大塊，差唔多佔晒成隻碟囉！至於雞排勁香脆，上面灑上淮鹽，非常惹味。咬開香脆嘅外皮，仲食到肉汁juicy嘅雞排肉，又滑又嫩。伴菜有滷水蛋、萵筍片、粉絲等等，份量十足。
眷村紅燒半筋半肉麵
切得勁厚身；牛筋同樣有3大舊，軟腍膠口。加上蘿蔔，全部都勁入味呀！
珍珠熟成奶茶、仙草凍鮮奶
唔好忘記，今日食台灣嘢嘅主要原因係因為杯台式飲品。餐廳嘅奶茶用上熟成處理，茶味相對較濃較香，珍珠Q彈！
