【A&M Diary】好多人都覺得打邊爐係冬天嘅活動，但作為邊爐控嘅我哋真係完全唔認同，因為夏天都有唔少消暑湯底㗎！所以嚟到我哋嘅weekend自駕遊，今日就去到元朗尋找夏日的邊爐湯底，終於喺大滾友火鍋發掘到唔錯嘅選擇。
消暑冬瓜瑤柱鍋
呢個消暑冬瓜瑤柱鍋真係好抵食，切開半個嘅冬瓜依然係非常大個，仲有雞肉粒、彷魚翅、蝦球、西芹、瑤柱絲同蟹柳等等，店員細心幫我哋切好冬瓜，再等湯滾起就梗係要飲啖湯先啦！湯底超清甜，勁多配料，煮多一陣，等冬瓜熔熔哋再食，真係好吸引。
黑松露蟹肉餃
皮夠晒薄，而一咬開之後，黑松露味就即刻湧出嚟，加上絲絲嘅蟹肉，嗰種鮮味真係非常吸引。
豬頸肉
豬頸肉非常軟腍，肉味香濃，好有口感。
牛舌片
牛舌雖然大塊，但呢個價錢只有六塊就貴咗少少。好彩牛舌嘅味道唔錯，加番啲分。
珊瑚蚌
輕輕一淥就食得嘅珊瑚蚌，好爽口。
手打蟹子墨魚丸
呢個墨魚丸有勁多墨魚粒粒，非常彈牙。
