【A&M Diary】M佬話呢啲天氣最啱就係行山！吓，但我覺得呢啲天氣最啱就係瞓覺喎！不過，M佬話如果可以瞓住行山，唔知你又有無興趣呢？今日M佬同我自駕遊，嚟到飛鵝山，全程有私家車坐，完全唔洗用腳行上山，攰仲可以喺車上瞓吓覺，到站先落車打卡影相，欣賞吓九龍全景，真係啱晒我呢啲懶人呀！
提提你
1. 上飛鵝山嘅路段全程上斜落斜，又多彎路，加上全程單程路，一開始咗就無得返轉頭，所以唔建議新手或鴐駛持術差嘅司機
2. 大部份景點都無停車位置，所以各位車主停車泊車嘅時候，要唔阻到人為大原則
3. 所有停車位都係大家隨意泊，可能位置會較迫，所以唔建議泊車無信心嘅車手
4, 所有路段較斜及窄，駕駛時留意車速，小心至上
5. 上落山時都會有唔少行山友，大家記住要小心途人
6. 如果想睇夜景嘅，可以自備電筒
飛鵝山觀景台
Google Map：https://goo.gl/maps/rw8dc6TKw9nLgSxb9
由秀茂坪嘅飛鵝山道出發，慢駛大概15分鐘嘅上山路段，就會去到飛鵝山觀景台，喺呢個飛鵝山觀景台可以睇到九龍半島嘅景色，如果天氣好嘅日子，仲可以睇到維港對岸嘅港島景色添！另外，觀景台仲有一座涼亭，大家可以吹吹風，享受一吓山林間嘅憇靜。
大老山氣象站
Google Map：https://goo.gl/maps/PUnNW3eD25Wechu47
前往大老山氣象站嘅馬路盡頭係掘頭路，所以當你見到中間有位停車，就泊好架車，再行兩步入去啦！呢度海拔高度577米，大老山英文名「Tate」其實係一名英國軍官嘅名。至於大老山山頂嘅天文台氣象站，就絕對係一個打卡熱點，一定要同呢個大波波喪打卡啦！另外，除咗大老山氣象站，仲有大老山政府無線電台同大老山警崗，不過呢，呢啲地方全部都唔可以進入架，大家只可以喺閘外外觀影相！
扎山道停車場觀景台
