【A&M Diary】牛津（Oxford）細細個就聽過呢個名，全因為屋企嗰本《牛津英漢字典》。我哋今日終於嚟到牛津呢個學術重鎮，發現呢度古色古香，雖然搵唔到《牛津字典》，但係就參觀咗近千年歷史嘅牛津大學（University of Oxford）人氣最高嘅基督堂學院（Christ Church），大家必睇哈利波特電影霍格華茲魔法學校餐廳場景靈感嘅學院餐廳（The Great Hall），哈利波特迷唔可以錯過！
牛津 Oxford
位於英國英格蘭東南部嘅牛津（Oxford），距離倫敦大概80公里，係一個古色古香嘅城市，更加係英國牛津大學的發源地。Oxford 由 Ox （牛）+Ford （較淺的水灘）組成，所以牛津嘅旗幟由牛同水流所組成。
前往牛津
牛津距離倫敦大概80公里，可以由倫敦Paddington或者Marylebone坐火車去牛津，最快只需要1小時20分鐘，適合大家由倫敦出發，作為倫敦近郊一日遊嘅選擇。
牛津大學 University of Oxford
牛津最具代表性嘅一定係牛津大學（University of Oxford），大學無確切嘅創立時間，大約喺1096年開始教學，有近千年歷史。牛津大學由38所獨立書院同4所學術學院組成，各個書院有自己嘅管理架構、收取學生同學生活動安排。牛津大學培養出眾多社會名人，包括28位英國首相同多國領袖，其中《愛麗絲夢遊仙境》作者路易斯‧卡羅都係來自牛津大學。另外，牛津大學並無指定校園，學院分散喺牛津市內，每個學院入去參觀嘅時候，都要分別買票入場。
基督堂學院 Christ Church
英國國王亨利八世於1546年成立基督堂學院（Christ Church），係牛津大學最大嘅學院之一，亦係世界上唯一一個同時亦係主教座堂嘅學院 它也是世界上唯一一個同時也是宗教場所的學院，是聖公會牛津教區的主教座堂。世界上唯一一個同時也是主教座堂的學院呢！。大家可以買票參觀學院餐廳（The Great Hall）、主教座堂（Cathedral）、四方草坪（Quads）同學院迴廊（Cloister）等，更有導覽機器，邊聽邊參觀校園！
學院餐廳 The Great Hall
基督堂學院（Christ Church）成為牛津必去景點，其中一個原因就係因為《哈利波特》霍格華茲魔法學校嘅餐廳就係根據學院餐廳設計！一去到學院餐廳（The Great Hall），就見到人山人海，大家都排隊影相！牆上掛滿了傑出校友嘅肖像，其中包含英王亨利八世、歷屆校長、多位首相同內閣閣員等。提提大家，由於學院餐廳（The Great Hall）仲係學生用餐嘅地方，所以上午11:30至下午2:30會暫停開放，大家要避免呢個時間嚟參觀！
基督教會座堂 Christ Church Cathedral
基督堂學院另一個必去景點一定係基督教會座堂（Christ Church Cathedral）。基督教會座堂係學院嘅禮拜堂，亦係牛津教區嘅大教堂，大家可以入去教堂參觀，細味教堂嘅仔細建築同彩色玻璃窗畫作。
