【A&M Diary】香港地少人多，房屋居住呢個問題，一直都係香港最重要嘅政策。我哋大部份香港市民都係住喺公屋、居屋同私人樓宇，但原來仲有唔少人住喺板間房、籠屋同閣仔。今日我哋就去到位於中環中心地下 H6 CONET 嘅市區更新探知館，了解香港市區老化問題、市建局嘅工作同未來發展等，呢個市區更新探知館絕對適合家長帶埋小朋友嚟上一堂通識課。
實境模型
一入展區，就睇到以1:1重現眼前嘅舊區實況，包括板間房、籠屋、閣仔、共用廚房同共用廁所等實境模型，了解舊區嘅居住問題，明白舊區居民嘅衞生同安全問題。見到呢啲生活環境，真係好感慨，因為香港嘅貧富懸殊同房屋政策真係好需要改善，點解我哋嘅政府唔去正視呢啲問題呢？
多媒體展覽及互動遊戲區
喺多媒體展覽及互動遊戲區，透過科技了解市區更新嘅知識，館內設有舊區生活探索、互動多媒體設施同交流區等。例如透過遊戲了解樓宇維修，包括石屎維修、天台維修、消防設施等。
