【A&M Diary】太耐無去過日本旅行，好掛住拉麵、好掛住壽司呀！所以琴日食完拉麵，今日就食壽司啦！嚟到尖沙咀嘅十和田總本店，呢間壽司好高質，價錢仲要好合理，M佬直頭話係佢食過最高CP值嘅壽司店，下次要再嚟！
呢到嘅壽司飯加咗醬油漬，所以豉油唔洗落太多，鹹味都夠。
穴子：長身嘅穴子壽司，加上燒汁，好香濃呀，而且比一般嘅厚身，食落好有口感。
赤蝦：大大隻夠晒彈牙，仲要夠咬口，好滿足。
三文魚三味：三味分別係三文魚腩、碎薑三文魚腩同火炙三文魚腩，件件嘅三文魚腩都係原切，油脂比例豐富。而火炙三文魚腩除咗帶有焦香味，食落仲接近入口即熔，好好味呀！
