【Now新聞台】截至早上11時，1小時内《彭博》用戶關注度上升最多的港股，依次為華南城、申洲國際、中國恒大、融信中國及商湯。
内地新一波疫情集中喺寧波北侖區，撞正申洲重點生產基地，因此，公司今朝開市前出聲明，話嗰邊嘅廠房會短暫停產，申洲股價一度重挫約10%，除咗喺寧波，申洲喺越南、柬埔寨都有廠房，應該點評估内地疫情對申洲嘅影響？
富昌證券聯席董事譚朗蔚指，申洲股價表現好取決於剩低嘅廠房，頂唔頂得住寧波廠房嘅產能，雖然申洲股價跌幅暫時收窄，但唔值得入手，因為不論板塊，以至股份本身已積弱多時，逢低破底，因此，唔建議冇貨嘅投資者撈底，有貨亦唔好溝貨。
Stevan又話，雖然申洲管理唔錯，但疫情唔喺公司可以控制，股價點走始終要睇...
