【Now新聞台】截至早上11點，一小時內彭博用戶關注度上升最多的港股，依次為中國海洋石油、融創中國、中遠海控、恒大汽車、農夫山泉。
中海油喺今朝升幅最大嘅藍籌股，除咗支持基本面嘅油價連升第五周，公司亦宣布回A，計劃到上交所上市，三桶油得佢未回A，本身對油價敏感度最高，今朝係咪有追落後概念，所以升得最多？
圓通環球金融集團行政總裁曾永堅指，依家資金喺三桶油首選會揀中海油，除咗傾向追落後、回A計劃加持，中海油亦係最受惠於國際油價處於上升趨勢，市場預期短期內油價「易升難跌」，有利中海油股價，此外，市場依家都避免投資喺受內地政策、恒大事件影響嘅板塊，中海油被認為係較穩陣嘅選擇，所以多咗投資者揀。
