【Now新聞台】截至早上11點，1小時內《彭博》用戶關注度上升最多的港股，依次為領展房產基金、旭輝控股、華潤置地、雅生活服務及龍湖集團。
債務危機火燒連環船，令市場人心惶惶係咁掟內房股，今日有3隻內房上榜，分別係潤地、龍湖及旭輝，依家3間公司都孭住唔少債。
英皇證券銷售部副總裁林建華指，其實早於幾年前已收緊房貸，今年再收緊除中美問題外，亦因為中國恒大(03333)事件，因為對內房開發、借貸出現一個好大嘅問號，就算今日有人買樓，但買家去銀行借錢係借唔到，直至明年1月1日先睇下批唔批，喺咁嘅情況下，加上債又多，呢啲公司點還債？如果中央唔出手，隨時出現攬炒嘅情況。
