【Now新聞台】截至早上11點，1小時內《彭博》用戶關注度上升最多的港股，依次為洛陽鉬業、新鴻基地產、中國銀行、紫金礦業、中國建材。
排第2位嘅新地上日收市後出咗全年業績，核心盈利略低過《彭博》預期，業績後被幾間大行削目標價，當中高盛指，新地核心物業發展、息稅前收入都少過預期，新地股價近期弱勢，但旗下新盤Wetland Seasons Park銷情理想，幫唔幫到股價？
大華繼顯執行董事梁偉源指，雖然新地最近賣樓成績好，但估計未來1年先會入帳，所以對股價幫助唔大，但可以留意，前海深港合作區方案會唔會加快香港西北部發展，令喺有關地區有較多地皮嘅新地受惠。
STEVEN又話，如果新地股價去到約100元至105元，買入價值相當高，同埋可以留意業績公布後，大股東郭氏家族有冇增持動作，如果有，投資者可以考慮跟買。
