【Now新聞台】【Now財經台】截至早上11點，1小時內《彭博》用戶關注度上升最多的港股，依次為蒙牛乳業、農夫山泉、瑞聲科技、信達生物及恒大汽車。
蒙牛中期業績靚仔，上半年多賺1.4倍至超過29億人仔。高盛認為，公司液態奶業務銷售增速加快係一大驚喜，蒙牛股價暫時已連升第4日，亦係今早表現最佳藍籌，股價一度掃高逾7.7%，高見47.2元，中午收市報44.9元，升逾2.5%。
寶鉅證券董事及首席投資總監黃敏碩指， 蒙牛業務比較分散，即使內地有餵哺母乳政策，但都可以分散影響，集團液態奶業務做得好，加上其他產品嘅業務都有增長，令市場對公司有返信心，自然幫到股價。
