【Now新聞台】【Now財經台】截至早上11點，一小時內《彭博》用戶關注度上升最多的港股，依次為長城汽車(2333)、萬科企業(2202)、龍源電力(0916)、中國石油化工股份(0386)及京東物流(2618)。
上星期五出業績嘅長汽受追捧，今日一度升9%至36.65元。公司7月都公布咗中期業績快報，而中期業績同快報相比都係冇驚喜，不過毛利率方面就有改善，係咪就係個毛利率支持到長汽升上去？
圓通環球金融集團行政總裁曾永堅指，資金經早前政策風暴後都轉追返穩陣啲嘅新能源汽車股，而長汽喺業績同未來目標都比到市場信心，加上毛利率比到市場驚喜，令資金受落。另外，長汽喺公布業績後都有同外資溝通，定立咗嘅長遠目標比到市場信心，令股價有力向38至39元高位再上。
