【Now新聞台】截至早上11點，1小時內《彭博》用戶關注度上升最多的港股，依次為ESR、快手、永利澳門、蒙牛乳業及美高梅中國。
ESR併購亞太區最大的房地產資產管理公司ARA集團，估計會成為全球第三大上市房地產資產管理公司，但ESR股價一度跌逾10%。
寶鉅證券董事及首席投資總監黃敏碩話，ARA喺亞太區内算有名氣，併購對公司長遠發展應該係利多於弊。但市場擔憂可能要透過其他渠道做集資、再發新股會攤薄現有股東持股，以及股東大會通過可能有變數等不同因素，令今日股價調整。Michael認為，呢啲因素中線解決到嘅話，就唔需要太擔心，佢又話，市場目前對内地政策有保留，而ESR又做境外實體穩定收益項目，中線睇法正面。
