【Now新聞台】【Now財經台】截至早上11時，1小時內《彭博》用戶關注度上升最多港股，依次為李寧(02331)、快手(01024)、中車時代電氣(03898)、花樣年控股(01777)及安踏體育(02020)。
今日奧運開幕，但榜上2隻體育用品股李寧同安踏都急跌，當中李寧跌8%，係2020年11月以來最大單日跌幅，而安踏都跌咗4%。
大華繼顯執行董事梁偉源指，呢2隻股份估值同PE高、瑞信又睇淡國內體育用品股，以及奧運開幕都令投資者選擇獲利回套。雖然未來一、兩日股價或會繼續跌，不過2間公司發盈喜代表上半年盈利增長好，如果下星期初再有明顯回落，就可以買入短炒。而有貨嘅投資者可以睇多2至3個月，如果整體放緩情況唔太明顯，呢類股份可以繼續持有。
