【Now新聞台】截至早上11點，1小時內《彭博》用戶關注度上升最多的港股，依次為永利澳門、澳博控股、滔博、中國鐵塔、騰訊控股。
澳門噚日出現確診個案，疫情嘅影響率先反映喺賭股上，其中永利今朝一度挫逾6%，更跌穿上年3月疫情底。
耀才證券研究部經理譚智樂指，永利、澳博好依賴VIP業務，所以復甦會相對較慢，加上唔知澳門幾時可以再「清零」，估計短期影響唔大，整體板塊走勢大同小異。Arnold又話，賭股面對最大嘅問題始終係未開關，距離旅遊業復甦仍然好漫長，有貨可以守住先，博過多個月會回復正常，不過，要預咗短線好難捱，唔好諗住跌得多就博反彈，最好等有起色先搭「順風車」。
