【Now新聞台】截至早上11點，1小時内《彭博》用戶關注度上升最多的港股，依次為康希諾生物、領展房產基金、廣汽集團、美團及中國華融。
美國叫停強生(Johnson & Johnson)疫苗接種，因為有民眾接種後出現罕見血栓，康希諾疫苗亦用跟強生同類型嘅腺病毒載體疫苗技術，康希諾股價今日錄得逾1個月以嚟最大單日跌幅。
耀才證券研究部經理譚智樂指，康希諾股價走勢主要睇疫苗銷量，同埋疫苗業務佔公司整體業務嘅佔比，由於腺載技術疫苗出咗問題，引發市場憂慮，投資者就沽貨。如果投資者開市後沽出，殺傷力唔大，但跌到現時水平，投資者可以睇下疫苗出現問題，係同技術有關，還是同製藥公司有關。短線嚟講，Arnold話，如果仲未止蝕，可以考慮用今日即市低位作為止蝕位。
