【Now新聞台】截至早上11點，1小時內《彭博》用戶關注度上升最多港股，依次為長城汽車﹑移卡﹑禹洲集團﹑小米集團﹑合景泰富。
據《路透》報道，小米會用長汽車廠生產電動車，小米回應指，一切以公告為準，小米喺官方微博預告，下周一嘅春季新品發布會上，將推出新款自家研製晶片，消息刺激小米、長汽股價造好。
大華繼顯執行董事梁偉源指，小米曾提及有意發展新能源車，但呢方面需要較大投資，要見到效果亦需時較長，如果小米只係用長汽廠房生產，其實對長汽幫助唔大。
至於點解長汽股價今日升得多過小米，Steven相信，主要係早前吉利汽車出業績後，拖冧成個汽車板塊，當時長汽跌得太急，所以今日彈得高過小米。
