【Now新聞台】截至早上11點，1小時內《彭博》用戶關注度上升最多的港股，依次為吉利汽車，紫金礦業，美團，瑞聲科技及金沙中國。
吉利半日收市跌逾7.2%，報19.2元，係今朝表現最差藍籌，吉利股價已經自1月底高位回落近50%，落到舊年11月初水平。有消息指，浙江省當局約談包括吉利在內十幾間車企，指汽車服務行業有強制捆綁消費等問題。
圓通環球金融集團行政總裁曾永堅指，資本市場對内地加強個別行業規管、撥亂反正嘅安排已成為驚弓之鳥，估計新能源汽車炒作會暫時告一段落，佢相信以吉利現時嘅估值、基本因素，股價喺19元會有唔錯嘅支持。
