【Now新聞台】截至早上11點，《彭博》Top Search No.1 為華潤啤酒，第2至第5位為美團點評、新世界發展、藥明生物及騰訊控股。
華潤啤酒首席執行官侯孝海增持10萬股，涉及近400萬元，等於去年薪酬超過60%。摩通認為係利好訊號，美銀證券都睇好內地疫情相對緩和，啤酒銷量亦見反彈，升目標價到49元。咁6至9月啤酒旺季銷售表現真係有咁理想？
安山資本資產管理部董事黃志陽就覺得，管理層增持都反映對市場前景有信心，而咁啱夾好幾家大行唱好，內地疫情相對受控，令市場有憧憬受惠餐廳恢復營業，有利啤酒、牛奶呢一類消費品嘅銷情造好。除非有第二波疫情呢一類大型不利消息，佢估計呢個強勢料可以持續到夏季。
