【Now新聞台】截至早上11點止，《彭博》Top Search No.1為綠城中國，第2至第5位分別為中國海外發展、紫金礦業、新世界發展及九龍倉置業。
綠城中國向內地A公司新湖中寶配股，將持股近13%成為第三大股東，配股價較上周五收市價有約35%溢價。
兩大內房企業聯姻，綠城資產優質應係毋用置疑，所以之前才吸引到九倉入股持約30%，中國交通建設集團又持約20%；不過現時又引入新湖中寶，日後公司「話事權」誰屬？
協同博勤金融集團行政總裁曾永堅就認為，綠城中國嘅股權布局好明顯係「三權並立」局面。而綠城今次引入A股股東，應該是希望提升爭取優質地皮及項目優勢，因為新湖中寶本身都擁有優質資產同地皮，入股綠城中國後，可鞏固兩家內房商日後的合作發展。曾永堅估計，未來內房市場發展，可能都要透過這種合作或互換股權模式，來增加優勢及實力。
