【Now新聞台】截至早上11時止，《彭博》Top Search No.1為F三星原油期，第2位至第5位分別為中石油、中石化、萬洲國際、港交所。
三星原油期貨ETF，今早逆市升3%，昨晚公司公布進一步轉倉消息，指為減輕紐約期油單月份造成嘅集中風險，會將原本單一持有9月紐約期油嘅倉位，轉為持有9月、10月同12月嘅紐油合約，各佔三分一。
協同博勤金融集團行政總裁曾永堅預期，呢個行動無可否認係改善期貨單一集中於某月合約嘅風險，特別係改善到期油市場出現不理性，或油價史無前例出現負數嘅情況。
但環球方面，疫情源頭問題又令中美關係惡化，Jasper估計喺外圍經濟影響下，期油產品價格難免要繼續喺低位上落徘徊。
