【Now新聞台】截至早上11點止，《彭博》Top Search No.1為香港交易所，第2至第5位為遠洋集團、碧桂園、中國平安及舜宇光學。
中東局勢令市場憂慮戰事可能一觸即發，拖累區內股市全跌，不過，近來連續破頂、上市未夠兩年嘅美團點評就唔係跌好多。適逢下個月恒生指數公司會公布季檢結果，市場都憧憬美團有無機會「染藍」。
睇返恒指公司藍籌選股嘅「快速納入規定」，如果檢討時上市公司市值達港股首五位，上市滿三個月就可「染藍」；如果排6至15位，上市滿半年就可納入選股。截至上日收市，美團喺港股嘅市值剛好排第15位。不過，就算市值同成交過到關，「染藍」仲要睇埋行業佔比反映大市分布，以及公司嘅財政狀況，所以大家都可以拭目以待
