【Now新聞台】【Now新聞台】截至早上11點止，《彭博》Top Search No.1為百威亞太，第2至第5位分別為瑞聲科技、安踏體育、中國平安及李寧。
百威亞太上市滿三個月，但就首度跌穿招股價27元，又被富瑞降目標價至35元，係因為內地打擊違規夜店而令佢銷售變差，但係其他啤酒股又逆市造好，點解佢表現冇其他咁好？
耀才證券研究部總監植耀輝指，百威亞太嘅股價走勢其實喺公佈第三季經營數據後就開始轉差，而為咗保持競爭力就必須要加大推廣開支，如果睇翻全年嘅經營數據其實都係麻麻地。Stanley又話，雖然百威亞太喺內地啤酒高端市場排第一，但始終內地各城市嘅人口味唔同，冇本地口味嘅啤酒都有少少輸蝕。
