【Now新聞台】【Now新聞台】截至早上11點，《彭博》Top Search No.1為美團點評，第2位至第5位分別為騰訊控股、李寧、碧桂園及安踏體育。
美團最近表現失色，剩係睇12月股價跑輸咗，月初仲見103元，今日一度跌近101元，反而騰訊同阿里巴巴就沖緊上去，係咪反映緊新經濟股換馬？
騰祺基金管理投資管理董事沈慶洪相信，三隻新經濟股阿里巴巴、騰訊同美團點評，係基金經理「必買股」，佢哋的確有輪流炒作嘅迹象。Patrick又話，宜家美團股價表現遜色，都係因為之前升得太多，資金轉到早排表現較落後的騰訊個邊。
