【Viu】郭富城今日到太和麥當勞出席活動，再任環保大使嘅城城，同Baby Shark攜手合作，推出全新環保短片同圖書系列，城城仲話急不及待要講最新Baby Shark故事畀兩個囡囡聽，仲預告9月會帶「大寶」嚟麥當勞開生日會慶祝，果然「廿四孝Family Man」！
席間，城城分享環保貼士，就係自攜環保杯飲咖啡，又會教「大寶」同「二寶」順手閂燈同慳水之道，做個好榜樣！城城直言兩個女鍾意有樣學樣，例如太太早排扮Barbie，兩個女就會搶晒啲首飾嚟戴；早前去上海旅行時，仲學爸爸玩賽車……遊戲，woo，等睇新一代女車神育成記呀！
