【Viu】郭富城噚日出席代言嘅月餅活動，自爆「哀求」經理人小美為廣告歌填詞，仲即席示範兩個囡囡「大寶」同「二寶」幫手設計嘅舞步，超級Sweet！講到兩個女日前去澳門睇騷，城城爆佢哋朝早8點已經去咗樂園玩，再直落睇騷，竟然仲有力揮足兩粒鐘螢光棒，甚至入埋後台等嗲哋攬攬，笑指大寶一見到自己就話：「爸爸，我好累！」超可愛呀！問阿女有冇話想上台表演呢？城城就扮佢哋欲拒還迎嘅口吻喇，笑Cry！
城城話全個暑假都喺澳門開騷，冇得陪太太同囡囡去上海，咁咪掛死嗲哋？佢又搞鬼咁扮掛到喊喇，呢位爸爸會唔會太Funny呀！至於中秋節呢？城城話9月24號喺英國開騷，之後同太太方媛Stay Behind幾日做「秘密任務」，就係買靚衫送驚喜畀兩個寶貝女，但保證29號（中秋正日）零時一定會踏入家門，人月兩團圓！
