【Viu】「教主誕」上半場小編帶大家去勻唔同嘅打卡點，終於輪到下半場，戲肉嚟啦！壽星仔Anson Lo現身中環生日嘉年華現場，繼續秉承「MIRROR沒有夏天」傳統，身穿白色潮牌冷衫，活動去到一半大嗌變「水人」！
過萬神徒們大合唱生日歌畀教主，又不停大叫「生日快樂」，搞到教主勁冧豬！教父、教母亦有現身，一家三口合照超溫馨，影完相教主用手示意父母記得飲水，認真孝順仔！
唔知人大一歲係咪又再感性多啲，Anson Lo向神徒表示謝意、自爆開solo concert覺得大壓力嗰陣連番爆喊，更一度要擰轉身抹眼淚，台下一眾神徒睇到都咪話唔心噏，大講鼓勵說話安慰教主！熟悉教主嘅話，都知佢有時喺story都會忍唔住劇透之後嘅工作，今日都唔例外，生日大贈送咗三個秘密畀神徒，想知係咩？即刻click入「教主誕」下半場現場實況啦！
