姜濤負傷孖Anson Lo飛日本開工 OK手勢示意腳傷冇大礙

【Viu】姜濤同Anson Lo今晚坐凌晨機飛日本做嘢，吸引過百姜糖同神徒嚟送機，連洗手間都有Fans，所以機場方面都加強保安同圍欄數目，嚴陣以待！

姜濤同AL喺12點20分抵達機場，姜糖同神徒隨即歡呼聲震天！因腳傷未能參與團綜錄影嘅姜濤，行路時有少少就住，記者問及其傷勢時，佢用OK手勢示意冇咩大礙，希望姜糖放心啦！而忙拍港版《社內相親》嘅Anson Lo，告別霸道總裁Look，化身「四眼霆」，只見教主眼仔碌碌，依然好精靈喎！兩位亦全程同Fans揮手示好，相當寵粉！

瀏覽 Viu網頁觀看影片

瀏覽 Viu網頁