【Viu】教主Anson Lo「寵粉霆」呢個稱號真係唔係浪得虛名，噚晚凌晨一點幾先收工，跳舞攰到都冇力「Nah」嘞，都唔返屋企休息，反而去咗神徒為佢搞嘅生日展覽拍導賞片，咁Sweet得唔得㗎？
片中，教主跟住網上嘅路線圖逐一介紹展覽區域，仲親自玩埋扭蛋機同影相機添，最後佢亦提神徒記得打完卡後，Tag返佢，希望大家同佢開心些牙添！
不過神徒去完展覽打卡，都唔好忘記7月7號教主誕當日唔單止有海上「教主號」維港巡遊同免費雪糕，仲可以唔使錢坐天星小輪、人力車觀光巴士、旋轉木馬同摩天輪等等添！到時齊齊開心過教主誕啦！
