【Viu】MIRROR四子姜濤、Edan、Anson Lo同Jer喺馬來西亞完成Viu呈獻《ONE LOVE ASIA FESTIVAL 2023》後，逗留當地一日做宣傳，今朝返港啦！今朝天矇光四子就抵達吉隆坡國際機場，由入離境大堂到入禁區，沿途都有大批保安同FANS簇擁住佢哋，好彩跌序尚算可以，佢哋都好順利咁上機！
而香港方面，晨咁早已經有大批鏡粉喺香港機場VIP通道口，霸定個靚位接偶像落機，四子班機仲早咗成大半個鐘land，睇嚟連個天都想偶像同粉絲快啲見面呀！
先步出機場嘅係花衫Jer，緊隨其後係全黑look嘅Edan、教主同姜濤，四子一字排開向兩邊fans、傳媒揮手，勁有默契！最後Jer孖姜濤；Edan孖教主同經理人花姐，分兩部七人車離開，而喺臨上車前最後一刻，教主仲大派半邊心冧神徒，係愛呀！
