【Viu】林嘉欣、Joyce鄭欣宜、Louise王丹妮同Amanda S.噚晚出席珠寶活動,珠光寶氣就梗㗎啦!林嘉欣透露兩個囡囡好鍾意睇《季前賽》,但冇要求同MIRROR集郵,反而叫媽咪撲Blackpink嘅飛,可惜自己碌爆人情卡都買唔到,陰功咯!佢又爆細女鍾意挑機嗲哋袁劍偉,質疑佢如果同姜濤真係朋友,點解唔請對方上屋企食飯,不過老公對此都係得啖笑啦!
此外,Joyce就話殺入叱咤「我最喜愛的女歌手」5強好黐線,令佢諗起2011年第一次開演唱會,台下已經一片燈海,依家先睇化其實大家一早就「Really like me」喇!佢又話「我最喜愛的男歌手」係all in一個人,相信都係「老公」Anson Lo啦!