【Viu】Anson Lo盧瀚霆同Joyce鄭欣宜嘅《神の拉闊》噚晚喺亞博舉行，被Joyce追問佢點解唔稱呼Fans做老婆時，教主就落閘話老婆只得一個，令Joyce無功而還呀！完騷後，Joyce轉達教主胃痛唔舒服，所以做唔到訪問，而網上亦流出教主由急救人員攙扶落台嘅片段，經理人花姐則指AL胃抽筋未能受訪，凌晨時份，AL就親自喺ig報平安，同埋多謝神徒支持喇！Joyce都大讚「老公」表現專業，為咗驚水腫，全日淨係食咗一啖炒飯呀！
此外，除咗教父教母有捧場，MIRROR嘅Edan同Jeremy都喺台下載歌載舞，「外星3少女」真係好有愛呀，最好笑係搞到隔離嘅森美自嘲似Happy伯！
