【Viu】古巨基嘅《I Really Love To Sing》音樂企劃第三回，邀請到唱功了得嘅Mischa葉巧琳同佢合唱24年前蔡健雅所寫嘅作品《樓下有人》，古仔大爆錄音趣事，指Mischa搵舒老闆試key當日，自己並冇在場，但事後聽返Mischa試key音軌後嚇一嚇，好聽到以為首歌已經錄好咗啦！而正式錄音，基仔覺得既然本身已經唱得咁好，就提議Mischa 成首歌隨意唱2、3take，睇下會唔會有更多驚喜，結果最後成品就係用咗當時其中1 take，事後Mischa得知都覺得好驚喜，直呼：「呢個就係Magic！」
